လူမှုဆိုင်ရာကျင့်ဝတ်များ

                             

                                     အလေးအမြတ်ပြုရမည့်အရပ် ၆-မျက်နှာ

                                       အရှေ့ မိဘ ၊တောင်မှ ဆရာ၊ နောက်မှာ မယား၊

                                  မြောက်ကား မိတ်ဆွေ၊ အောက်ခြေကျွန်မှတ်၊ ထက်ရပ်

                                        သံဃာ၊ မှတ်သားပါ ၊ခြောက်ဖြာ  တံခါးပေါက်။

                                                  သားသမီးကျင့်ဝတ် ၅-ပါး

                                     ကျွေးမွေးမပျက်၊ ဆောင်ရွက်စီမံ၊ မွေခံထိုက်စေ၊

                                        လှူမျှဝေ၍၊ စောင့်လေမျိုးနွယ်၊ ၀တ်ငါးသွယ်၊ ကျင့်ဖွယ်

                                                သားတို့တာ(ကျင့်ဖွယ်သမီးတို့တာ)။

                                                      မိဘကျင့်ဝတ် ၅-ပါး

                               မကောင်း မြစ်ထာ၊ ကောင်းရာညွှန်လတ်၊ အတတ်သင်စေ၊

             ပေးဝေနှီးရင်း၊ထိမ်းမြားခြင်းလျှင်၊၀တ်ငါးအင်၊                                                                                                                      ဖခင်မယ်တို့တာ။

                                            (မြစ်ထာ=မကောင်းမှုကိုသွန်သင်ဆုံးမသည်)

                                                      တပည့်ကျင့်ဝတ် ၅-ပါး

                                     ညီညာထကြွ ၊ ဆုံးမ နာယူ၊ လာမြူ ကိုဆီး၊

                                         ထံနီး လုပ်ကျွေး၊သင်တွေး အံရွတ်၊ တပည့်ဝတ်၊

                                                           မချွတ်ငါးခုသာ။

                                                    

                                        ဆရာ့ကျင့်ဝတ် ၅-ပါး

                                 အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊

                                       ဘေးရန်ဆီးကာ၊ သင့်ရာအပ်ပို့၊ ဆရာတို့

                                                  ကျင့်ဖို့ဝတ်ငါးဖြာ။

                                                      လင့်ကျင့်ဝတ် ၅-ပါး

                                    မထီမဲ့ကင်း၊ အပ်နှင်းဥစ္စာ၊ မိစ္ဆာမမှား၊

                                            ၀တ်စားဆင်ယင်၊ မြတ်နိုးကြင်၊

                                                     ငါးအင်လင့်ကျင့်ရာ။

                                                   မယားကျင့်ဝတ်-၅ပါး

                              အိမ်တွင်းမှုလုပ်၊ သိမ်းထုပ်သေချာ၊ မိစ္ဆာကြဉ်ရှောင်၊

                                        လျော်အောင်ဖြန့်ချီ၊ ပျင်းရိမမူ၊ ၀တ်ငါးဆူ၊

                                                     အိမ်သူကျင့်အပ်စွာ။

                                                     မိတ်ဆွေကျင့်ဝတ် ၅-ပါး

                             ပေးကမ်းချီးမြှင့်၊ ကိုယ်နှင့်ယှဉ်ထား၊ စီးပွားဆောင်ရွက်၊

                                        နှုတ်မြွက်ချိုသာ၊ သစ္စာမှန်စေ၊ ၀တ်ငါးထွေ၊

                                                   ကျင့်လေမိတ်သဟာ။

           

                                                   

                                           အလုပ်ရှင် (အရှင်) ကျင့်ဝတ်-၅ပါး

                               ၀စွာကျွေးမွေး၊ ပြုရေးစီရင်၊ နာလျှင်ကုစေ၊

                                         ငှဝေရသာ၊ အခါကိုလွှတ်၊ အရှင့်ဝတ်၊

                                                        မချွတ်ငါးခုသာ။

                                              အလုပ်သမား (ကျွန်) ကျင့်ဝတ်-၅ပါး

                               အိပ်သော်နောက်ကျ၊ ထသော်ကားရှေး ပေးမှယူအပ်၊

                                     စေ့စပ်ဆောင်ရွက်၊ ကျေးဇူးမြွက်၊ ငါးခုလုပ်သားဝတ်။

                                                    ဒါယကာကျင့်ဝတ် ၅-ပါး

                                 မေတ္တာစိတ်သက်၊ ဆောင်ရွက်ချစ်ခင်၊ ခင်မင်နှုတ်ချို၊

                                         လိုလျှင်ဖိတ်ထား၊ တတ်အားလှူစေ၊ ၀တ်ငါးထွေ၊

                                                              ပြုလေဒါယကာ။

                                                        ရဟန်းကျင့်ဝတ် ၅-ပါး

                               မကောင်းမြစ်ထာ၊ ကောင်းရာညွှန်လစ် ၊ အသစ်ဟောကျူး

                                       နာဖူးထပ်မံ၊ နတ်ထံတင်ရာ၊ မေတ္တာလည်းပြု၊ ရဟန်းမှု၊

                                                        ခြောက်ခုလွန်သေချာ။

အရေးကြီးသောအသိပညာ

 ဟိုးရှေးရှေးတုန်းကဂျပန်ပြည်မှာဓားသိုင်းပညာကိုကျွမ်းကျွမ်းကျင်ကျင်တတ်မြောက်တဲ့ဓားသိုင်းဆရာကြီးတစ်ဦးရှိခဲ့တယ်။ဓားသိုင်းဆရာကြီးမှာသားသုံးရောက်လည်းရှိတယ်။ဓားသိုင်းဆရာကြီးကသူ့သား၃ယောက်ကိုသူ့လိုပဲသိုင်းပညာကိုကျွမ်းကျွမ်းကျင်ကျင်တတ်မြောက်အောင်နှစ်ရှည်လများကြာအောင်စနစ်တကျသင်ကြားပေးခဲ့တယ်။ဒီလိုနဲ့သားတွေကိ်ု နှစ်ရှည်လများကြာအောင် သင်ကြားပေးပြီးတဲ့နောက် ဖခင်သိုင်းဆရာကြီးက သားသုံးယောက်၏ အရည်အချင်းကို စစ်ဆေးကြည့်လိုသော ဆန္ဒတွေဖြစ်ပေါ်လာတယ်။

ထို့ကြောင့်သိုင်းဆရာကြီးကအဝေးရောက်နေသောသားသုံယောက်ထံသို့“မည်သည့်နေ့၊မည်သည့်အချိန်၊မည်သည့်နေရာတွင်တပည့်များစုံညီစွာတက်ရောက်ရမည့်အစည်းအဝေးရှိကြောင်း၊ထိုအစည်းအဝေးကိုသားသုံးယောက်လုံး မပျက်မကွက်တက်ရောက် ရမည်ဖြစ်ကြောင်း” အကြောင်းကြားလိုက်သည်။

အစည်းအဝေးခန်းမထဲသို့ဝင်လာမည့်သားများကိုစမ်းသပ်ရန်အတွက်ဖခင်သိုင်းဆရာကြီးကအစီအစဉ်တစ်ခုလုပ်ထားသည်။အစည်းအဝေးခန်းမထဲသို့ဝင်မည့်တံခါးကိုမပွင့်တစ်ပွင့်ဟထားပြီးထိုတံခါး၏အထက်ဘောင်ပေါ်၌ရေအပြည့်ဖြည့်ထားသောရေအိုးတစ်လုံးကိုတင်ထားခဲ့တယ်။အကယ်၍တံခါးကိုတွန်းဖွင့်ဝင်လိုက်ရင်ဝင်လာသူအပေါ် ရေအိုးကျလာစေရန်စီစဉ်ထားခြင်းဖြစ်သည်။

သတ်မှတ်ထားသောရက်၌အစီးအဝေးတက်ရန်ပထမဆုံးရောက်လာသူမှာအကြီးဆုံးသားဖြစ်သည်။အစည်းအဝေး၀င်ပေါက်တံခါးမပွင့်တပွင့်တတဖြစ်နေသည်ကိုသူသတိထားမိသည်။”အစည်းအဝေး၀င်ပေါက်တံခါးကိုဖွင့်မည်ဆိုလျှင်လည်းအပြည့်အစုံဖွင့်ဖွင့်ထားရမည်။ပိတ်မည်ဆိုလည်းလုံးဝပိတ်ထားရမည်။အခုပအဘယ်ကြောင့်မပွင့်တပွင့်ဖြစ်နေသနည်း”ဟုသားကြီးကတွေးရင်း သတိဖြင့်စူးစမ်းလေ့လာကြည့်သောအခါ တံခါးကိုအမှတ်တမဲ့ တွန်းဝင်လျှင်ဝင်လာသူအပေါ်ရေအိုးကျလာအောင်တမင်ဖန်တီးထားသည်ကိုတွေ့ရသည်။သားကြီးသည်ရေအိုးကိုမကျအောင်ထိန်းပြီးတံခါးကိုဖွင့်၊အတွင်းကိုဝင်၊ရေအိုးကိုမူလအနေအထားအတိုင်းပြန်ထားပြီးနောက်အစည်းအဝေးခန်းမထဲသို့အေးဆေးလျှောက်သွားသည်။

မကြာမီဒုတိယသားလတ်သည်လည်းအစည်းအဝေးရှိရာခန်းမသို့လျှောက်လာသည်။အစည်းအဝေးခန်းမ၀င်ပေါက်တံခါးဟတတဖြစ်နေသည်ကိုသူမြင်သည်။သို့ရာတွင်တံခါးကိုအမှတ်တမဲ့တွန်းဖွင့်လိုက်သည်။အပေါ်ကရေအိုးသည်ရုတ်ခြည်းကျလာသည်။ထိတ်လန့်သွားသော်လည်းတတ်ကျွမ်းသမျှလျှင်မြန်မှုတို့ကိုအသုံးပြု၍ရေအိုးကိုဆီးဖမ်းနိုင်လိုက်သည်။သားလတ်သည်လည်းရေအိုးနှင့်တံခါးကိုမူလအတိုင်းပြန်ထားခဲ့ပြီးနောက်အစည်းအဝေးခန်းမထဲသို့ဣနြေ္ဒမပျက်လျှောက်သွားသည်။

အစည်းအဝေးခန်းမသို့နောက်ဆုံးရောက်လာသူမှာအငယ်ဆုံးသားဓားသမားဖြစ်သည်။သူသည်ရွှင်ရွှင်ပျပျသွက်သွက်လက်လက်နှင့်လျှောက်လာရင်းအစည်းအဝေးခန်းမ၀င်ပေါက်တံခါးကိုဆောင့်တွန်းဖွင့်လိုက်သည်။အပေါ်ကရေအိုးသည်ကျွမ်းပြန်၍ကျလာသည်။သားအငယ်ဓားသမားသည်ကျလာသောရေအိုးကိုရန်သူအမှတ်ဖြင့်ဓားကိုဆွဲထုတ်ပြီးလျှပ်ပြက်သကဲ့သို့ခုတ်လိုက်ပိုင်းလိုက်သည်။ရေအိုးသည်လည်းကြမွလွင့်ကျဲသွား၍သူ့တစ်ကိုယ်လုံးလည်းရေတွေရွှဲရွှဲစိုသွားသည်။သားငယ်ဓားသမားသည်ရွှဲရွှဲစိုနေသောအ၀တ်ဖြင့်ပင်အစည်းအဝေးကိုတက်ရတော့သည်။

ဖခင်သိုင်းဆရာကြီးကသားအလတ်နှင့်သားအငယ်ကိုအရည်အချင်းမပြည့်ဝသူဖြစ်ကြောင်းပရိသတ်ရှေ့မှာတင်ပြစ်တင်ဟြေဆိုသည်။သားအကြီးကတော့ကျေနပ်ဖွယ်အရည်အချင်းရှိကြောင်းဂုဏ်ပြုဟြေဆိုသည်။ထို့နောက်ဖခင်သိုင်းဆရာကြီးက“အတတ်ပညာထက်အခြေအနေတွေကိုချင့်ချိန်သုံးသပ်နိုင်တဲ့အသိအမြင်ကပိုပြီးအရေးကြီးတာမျိုးတွေရှိတယ်။သားကြီးဓားသမားဟာအခြေအနေတွေကိုသုံးသပ်နိုင်တဲ့အသိအမြင်ရှိလို့သားငယ်လိုတပင်တပန်းနဲ့ရေအိုးကိုရန်သူထင်ပြီးခုတ်ပိုင်းရတာမျိုးတွေ၊သားလတ်လိုအထိတ်တလန့်ဆီးဖမ်၊ပြန်တင်နေရတာမျိုးတွေလုပ်နေစရာမလိုပဲအစည်းအဝေးကိုအေးအေးဆေးဆေးတက်ရောက်လာခဲ့တယ်။ဒါကြောင့်အတတ်ပညာထက်အသိပညာကပိုပြီးနေရာများစွာအေးကြီးတယ်ဆိုတာကိုသတိပြုစေချင်တယ်”ဟုဟြေရင်းအစည်းအဝေးကိုရုပ်သိမ်းလိုက်ပါသည်ဟုဆိုပါသည်။

အထက်ပါပုံပြင်လေးထဲကဓားသိုင်းဆရာကြီးဟြေတဲ့စကားအရဆိုရင်လူုမှုပြဿနာတွေကိုဖြေရှင်းတဲ့အခါမှာလည်းအခြေအနေတွေကိုသုံးသပ်နိုင်တဲ့အသိအမြင်ရှိရင်လူမှုအနိဋ္ဌာရုံတွေမဖြစ်ပေါ်ဘဲပြေပြေလည်လည်အောင်အောင်မြင်မြင်ဖြစ်နိုင်တယ် ဟုမှတ်ချက်ချလို့ရပါတယ်။

စာဖတ်သူအပေါင်းကိုဤပုံပြင်လေးထဲကအတိုင်းသားကြီးဓားသမားကဲ့သို့အသိပညာ၊အတတ်ပညာနှစ်ခုလုံးပြည့်စုံနိုင်သူဖြစ်ပါစေလို့ဆုမွန်ကောင်းပို့သရင်းနိဂုံးချုပ်ပါတယ်။ရွှင်လန်းချမ်းမြေ့ကြပါစေ………..

နောင်တ ဆယ်မျိုး

၁။ အချိန်ရှိခိုက် ငယ်စဉ်က ပညာမသင်မိခဲ့လေခြင်း၊

၂။ ဥစ္စာမစုဆောင်းမိခဲ့လေခြင်း၊

၃။ သူတစ်ပါး၏ အချစ်ကို ဖျက်ဆီးမိခဲ့လေခြင်း၊

၎။ သူတစ်ပါးအသက်ကို သတ်မိခဲ့လေခြင်း၊

၅။ သူတစ်ပါးသားမယားကို ပြစ်မှားမိခဲ့လေခြင်း၊

၆။ ဥစ္စာပစ္စည်းရှိလျက် မလှူမိခဲ့လေခြင်း၊

၇။ ဆုံးမစကားကို နားမထောင်မိခဲ့လေခြင်း၊

၈။ မိဘကို မလုပ်ကျွေးမိခဲ့လေခြင်း၊

၉။ ပညာရှိထံနည်းခံ၍ မသင်ကြားမိခဲ့လေခြင်း၊

၁၀။ မြတ်သောအကျင့်ကို မကျင့်မိခဲ့လေခြင်း။

လူတော်လူမော်တွေအမြဲတစေလက်ကိုင် ထားတတ်တဲ့အမူအကျင့်(၁၀)မျိုး

၁။ မိတ်ဖွဲ့တယ်၊ သူငယ်ချင်း အပေါင်းအသင်း စုဆောင်းတယ်

သူငယ်ချင်းတွေအကြား ယုံကြည်စွာ တည်ဆောက်ထားတဲ့ ရင်းနှီးခင်မင်မှုမျိုးဟာ
ဘဝတစ်သက်တာ အတွက် အကောင်းဆုံး အနွေးထည်ပါပဲ။ အဲဒါဟာ သင့်ရဲ့ စာရိတ္တနဲ့
စိတ်နေစိတ်ထားအပေါ်မှာ မူတည်ပြီး ဖြစ်တည်လာတဲ့အတွက် တန်ဖိုးထားပါ။
သူငယ်ချင်းတွေကိုလည်း ငွေစုသလိုပဲ စုဆောင်းတတ်ရမယ်၊ အခုချိန်မှာ
သူငယ်ချင်း ဘယ်နှယောက်မှ မရှိသေးပဲ ချို့တဲ့နေရင်လည်း စိတ်မပူပါနဲ့၊
ဖြူစင်တဲ့စိတ်ထားနဲ့ စိတ်ပါလက်ပါ မိတ်ဖွဲ့မယ်ဆိုရင် အခါမနှောင်းသေးပါဘူး။

၂။ လက်လွှတ်နိုင်အောင်(ဥပက္ခာပြုတတ်အောင်) ကြိုးစားတယ်

ဒီအသက်အရွယ် ရောက်နေမှတော့ ကလေးဆန်ခွင့် မရှိတော့ဘူး။ ဘဝမှာ
ကြုံရဆုံရတတ်တဲ့ တချို့သော ချစ်ခြင်းတွေ၊ ဖူးစာတွေ၊ စိတ်ပိုင်း
ရုပ်ပိုင်း မွေ့လျော်ရာတွေ တစုံတရာကို အခွင့်ပေးတုန်း အရမယူနိုင်ခဲ့ရင်
လက်လွှတ်လိုက်ပြီး ကိုယ့်ကိုကိုယ် တာထွက်မှတ် အသစ်တစ်ခု ပြန်ပေးပါ။
မိမိကိုယ်ကို ယုံကြည်မှု ရှိနေသ၍ အင်အားရှိနေမယ်၊ ထို့အတူ အားထုတ်မှု
ရှိနေသ၍ အောင်မြင်ခြင်း ရှိနေမှာပဲ။


၃။၊ ဂရုဏာစိတ်ထားတယ်

တတ်စွမ်းသ၍ ကိုယ့်ထက် ဆင်းရဲ၊ ခက်ခဲသူတွေကို မိခင်လောကကြီးရဲ့
မျှော်လင့်ချက်ရောင်ခြည်နဲ့ အလှတရားတွေကို ခံစားနိုင်အောင် ကြံဆောင်ရမယ်။
ဒီလို အပြုအမူမျိုးဟာ ပျိုးကြဲနေတာနဲ့ အတူတူပဲ၊ တချိန်ချိန်မှာ
လူ့သဘာဝရဲ့ အလှပဆုံး အသီးအနှံတွေအဖြစ် ရိတ်သိမ်းရလိမ့်မယ်။


၎။ ဂီတနဲ့ အကျွမ်းတဝင်ဖြစ်အောင်နေတယ်

ဂီတတူရိယာ တမျိုးမျိုးကို သင်ယူ/နားလည် နေရမယ်၊ ဂီတဟာ လူ့စိတ်ကို
လန်းဆန်းစေတဲ့အပြင် မှတ်ဥာဏ်နဲ့ စိတ်ကူးစိတ်သန်းတွေကို နှိုးဆွပေးတယ်၊
ထင်မှတ်မထားတဲ့ တည်ငြိမ်မှုတွေကို ဆောင်ကြဉ်း ပေးနိုင်တယ်။ နောက်ပြီး
ဓာတ်ပုံပညာ၊ ပစ္စည်းစုဆောင်းခြင်း စတဲ့ ဝါသနာတွေဟာလည်း အသွင်မတူတဲ့
သာယာစိုပြေမှုကို ပေးစွမ်းနိုင်တယ်။


၅။ ဒုက္ခ ၂ မျိုးကို ဝေးဝေးရှောင်တယ်

ဒီလောကကြီးမှာ ဒုက္ခ ၂ မျိုး အမြဲတွေ့ရတယ်၊ တမျိုးက လိုတာမရတဲ့ ဒုက္ခ၊
နောက်တမျိုးက အစွဲအလန်း ကြီးတဲ့ဒုက္ခ။ ပထမဒုက္ခဖြစ်တဲ့ လိုချင်တာမရခဲ့ရင်
အဲသလို ဖြစ်စဉ်ကို လောင်းကစား တစ်ခုလို့ပဲ သဘောထားလိုက်ပါ၊ အစွမ်းကုန်
ကြိုးစားလုပ်ခဲ့ပြီး ရလာခဲ့ရင်ဖြစ်ဖြစ်၊ မရခဲ့ရင်ပဲဖြစ်ဖြစ် အတွင်းစိတ်က
ပုံမှန်အတိုင်းပဲ ရှိနေသင့်တယ်၊ ကံကောင်းတာက ဒီအသက်အရွယ်နဲ့ တစ် က
ပြန်စဖို့ အရင်းအနှီး ရှိနေသေးတယ် ဆိုတာပဲ။ ဒုတိယဒုက္ခကတော့
အဆုံးရွားဆိုးဒုက္ခပဲ ဖြစ်လိမ့်မယ်၊ အခုထိ အဲလို အစွဲအလန်းမျိုး
ရှိနေသေးရင် အမြန်ဆုံး မောင်းထုတ်ပစ်ပါ။

၆။၊ ခံနိုင်ရည်ရှိအောင် ကြိုးစားတယ်

တချို့အဖြစ်အပျက်တွေဟာ မသိမသာ မေ့ပစ်ဖို့ပဲ၊ နောင်တကြိမ် ထပ်ကြုံလာတဲ့အခါ
အသိဥာဏ်လည်း လိုက်ပြီး တိုးပွားလာမယ်။ တချို့ ဝမ်းနည်းစရာ၊ စိတ်ညစ်ညူးစရာ
ကိစ္စတွေကျတော့ အံကြိတ်ပြီး တောင့်ခံဖို့ပဲ၊ တကြိမ်တခါ ကြုံဖူးပြီးတိုင်း
ဘဝကြီးက ပိုပြီး ပြည့်စုံလာမှာပဲ။ ဒီအသက်အရွယ် ရောက်မှတော့
ကလေးဘဝတုန်းကလို အော်ကြီးဟစ်ကျယ်နဲ့ ရှိုက်ကြီးတငင် ငိုနေဖို့
မသင့်တော့ဘူး။

၇။ အမြဲတစေ ကျေးဇူးသိတတ်တဲ့စိတ်ထားတယ်

အသုဘတစ်ခုကို သွားပြီးပြန်လာတဲ့အခါ စိတ်ထဲမှာ သံဝေဂ ရနေတတ်မယ်၊
အပြင်းဖျားပြီး ပြန်ကောင်း လာတဲ့အခါ အသက်ကို ပိုပြီး တန်ဖိုးထားလာတတ်မယ်။
ဆိုလိုတာက ကိုယ့်အပေါ် ကျရောက်နေတဲ့ ကျေးဇူးတရားကို အစဉ်အမြဲ
အမှတ်ရနေရမယ်၊ ကျေးဇူးသိတဲ့စိတ်ဟာ ပတ်ဝန်းကျင်ကို ပိုပြီး
တန်ဖိုးထားတတ်စေရုံတင် မကပဲ လောဘ ဒေါသ မောဟ မီးလျှံတွေကို
ချုပ်ငြိမ်းစေနိုင်တယ်။ တကယ်တမ်းကျတော့ ကြည်နူးချမ်းမြေ့ခြင်းက အဲဒီက
မြစ်ဖျားခံတာပဲ။

၈။၊ အလုပ်အပေါ် သံယောဇဉ်အရမ်းရှိတယ်

အလုပ်ဆိုတာ လက်ဖက်ရည်သောက်တာ၊ အာလူးဖုတ်တာလိုမျိုး စိတ်လက်ပေါ့ပါးမှု
မပေးနိုင်ပေမယ့် သူဟာ ကျွန်တော်တို့ရဲ့ ဥာဏ်ရည်ဥာဏ်သွေးနဲ့ အစွမ်းအစကို
စမ်းသပ်နေတဲ့ အရာတစ်ခုပဲ။ အဲဒီက တဆင့် တန်ဖိုးနဲ့ အောင်မြင်ခြင်းကို
နားလည်စေတာပဲ။ သူ့ကို ပုံအောပြီးချစ်လိုက်ပါ၊ အနည်းဆုံး သူ့ကြောင့်မို့သာ
ကျွန်တော်တို့ ဘဝတစ်ခုလုံးရဲ့ အစိတ်အပိုင်း တော်တော်များများမှာ
လုပ်စရာရှိနေပြီး၊ စားစရာလည်း ရှိနေတာပါ။

၉။၊ လေ့လာသင်ယူရာမှာ ဇွဲနပဲကြီးတယ်

စာဖတ်ခြင်းနဲ့ သင်ယူခြင်းဟာ အသိဥာဏ်နဲ့ စကားစမြည် ပြောနေတာပါပဲ၊
နှစ်တိုင်း အနည်းဆုံး စာအုပ်ရေ ၅၀ ဖတ်ရမယ်။ စာဖတ်ခြင်းဟာ မှတ်ဥာဏ်နဲ့
ခံစားနားလည်နိုင်စွမ်းကို ထိန်းထားနိုင်ရုံမက စာဖတ်သူမှာ
ဆွဲဆောင်မှုရှိတဲ့ သံလိုက်ဓာတ်တမျိုး ရှိနေစေတယ်။ ဒါဟာလည်း yoga
သင်တန်းတို့၊ ဗျူတီပါလာတို့က မပေးနိုင်တဲ့ အရာပါ။

၁၀။၊ အားကစားကို ခုံမင်နှစ်ခြိုက်တယ်

အချိန်ကို မှန်ကန်စွာ စီမံခန့်ခွဲပြီး အားကစားလုပ်တယ်၊ သဘာဝကို ခံစားတယ်။
အကျိုးကျေးဇူးက ပျင်းရိခြင်းကြောင့် ကိုယ်အလေးချိန် တက်မလာတော့ဘူး၊
ရုပ်ရည်ကလည်း ဇရာဖိစီးမှုကြောင့် ယိုယွင်း မသွားတော့ဘူး၊ အတိုင်းအတာ
တစ်ခုထိ နုပျိုခြင်း၊ ပျော်ရွှင်ခြင်းနဲ့ ကျန်းမာခြင်းကို
ထိန်းထားနိုင်လိမ့်မယ်။

ဝမ်းမြောက်ဖွယ်ရာပရဟိတ အလှူလေး

ဂုဏ်ဖော်ပြီးကြွားဝါလိုတဲ့ဆန္ဒဖြင့် ဖော်ပြခြင်းမဟုတ်ပါ။ ကြည့်ရှုသူအပေါင်း နှင့် နတ်လူအပေါင်းသာဓုခေါ်စေနိုင်ရန်ဖော်ပြခြင်းဖြစ်ပါသည်။

တကယ်ချစ်ရဲ့လား (ပရဟိတဆောင်းပါး)

                                                                                       
လောကတွင် လူသားများအသုံးပြုများသော စကားလုံးတစ်ခု ရှိပါသည်။ ထိုစကားလုံးမှာ တကယ်ချစ်ရဲ့လားဆိုသည့်စကားပင် ဖြစ်ပါသည်။ ဒီစကားလုံးကို အများသူငှာပြောနေကြသော်လည်း မိမိကိုယ်ကို မေးရမှာလား သူတစ်ပါးကိုမေးရမဲ့စကားလားဆိုတာ နားလည်သူက နည်းပါးမည် ထင်ပါသည်။ ထို့ကြောင့်လည်း တကယ်ချစ်ရဲ့လားဟု သူတစ်ပါးကိုပဲ မေးနေကြခြင်း ဖြစ်သည်။

တကယ်တော့ ဒီစကားဟာ မိမိကိုယ်ကို မေးရမဲ့စကားပါ။ ဘာဖြစ်လို့လဲဆိုတော့ မိမိကိုယ့်ကိုမှ တကယ်မချစ်သောသူသည် သူတစ်ပါးကို တကယ်ချစ်တယ်ဆိုတာ မဖြစ်နိုင်လို့ပါ။ မိမိကိုယ့်ကို တကယ်ချစ်သောသူသည် သူတစ်ပါးကိုချစ်၍ သူတစ်ပါးဒုက္ခရောက်အောင် မလုပ်ဘဲ သူတစ်ပါးအကျိုးရှိမည့် အများအကျိုးကိုသာ ပြုလုပ်ပေးကြသည်။ မိမိကိုယ်ကို တကယ်ချစ်၍ ကောင်းတာများလုပ်မှသာလျှင် မိမိလည်း ကောင်းစားမှာဖြစ်ပြီး မိမိချစ်သော သူတစ်ပါးသည်လည်း ကောင်းစားမည်ဖြစ်ပါသည်။ မိမိကိုယ့်ကို မချစ်၍ မကောင်းတာများလုပ်မည်ဆိုလျှင် မိမိမကောင်းကျိုးများ ခံစားရမည်ဖြစ်သောကြောင့် သူတစ်ပါးလည်း ကောင်းကျိုးချမ်းသာများ ခံစားရမည်မဟုတ်ပေ။

သူတစ်ပါးအသက်ကိုသတ်လျှင် သူတစ်ပါးလည်း စိတ်ဒုက္ခရောက်သလို မိမိလည်း နောက်တစ်ချိန်တွင် ထိုကဲ့သို့သော စိတ်ဒုက္ခများစွာခံစားရမည့်အပြင် ယခုမျက်မှောက်ဘ၀တွင်လည်း ကံနိမ့်နေပါက မကောင်းကျိုးများ ဆက်တိုက်ပေးခြင်း ခံရမည်ဖြစ်ပါသည်။ မိမိကိုယ့်ကို တကယ်ချစ်တဲ့လူဆိုရင် မိမိယခုဘ၀ နောက်ဘ၀ကောင်းစားဖို့ကိုကြည့်ရမည့်အပြင် မိမိအမြဲချမ်းသာမှုများခံစားရမည့် မိမိတို့ပန်းတိုင်ကိုပါ လျင်မြန်စွာရောက်အောင် ကြိုးစားပြုလုပ်ရပါမည်။ သို့မှလည်း မိမိကိုယ်ကို တကယ်ချစ်ရာရောက်၍ မိမိကိုယ်ကိုချစ်သောသူဟုလည်း ခေါ်ဆိုနိုင်ပါမည်။ ထိုသို့မဟုတ်လျှင်တော့ မိမိကိုယ်ကို တကယ်ချစ်သောသူဟု မဆိုနိုင်ပေ။

သူတစ်ပါးပစ္စည်းကို ခိုးယူသူသည် ပစ္စည်းခိုးရန် အကြံထုတ်ခြင်း၊ စွန့်စားရခြင်းတို့ကြောင့် သူ့စိတ်မှာ မကောင်းတာချည်းဖြစ်နေတဲ့အတွက် ရုပ်ရေမှာလည်း ကြမ်းတမ်းနေသဖြင့် သူခိုးများ၏ မျက်နှာမှာ လူချောလူခန့်ဟု မရှိဘဲ ရုပ်ဆိုးများသာ ဖြစ်နေကြပေသည်။ နောင်ဘ၀တွင်လည်း မိမိ၌ ထိုကဲ့သို့သော ဆင်းရဲမှုများနဲ့သာ ရင်ဆိုင်ရမည့်အပြင် ဖြစ်လေရာမှာ ချမ်းသာသောသူ မဖြစ်သဖြင့် မိမိကိုယ့်ကို ဒုက္ခပေးသူဖြစ်၍ မိမိကိုယ့်ကို ချစ်သောသူမဖြစ်နိုင်ပါ။ ထိုသို့မိမိကိုယ့်ကိုမချစ်သဖြင့် မချမ်းသာသောသူသည် သူတစ်ပါးကိုလည်း ချမ်းသာအောင်ပြုလုပ်ပေးနိုင်မည်မဟုတ်သောကြောင့် သူတစ်ပါးကိုလည်း တကယ်ချစ်သောသူဟု မသတ်မှတ်နိုင်ပေ။

သူတစ်ပါးသားမယားကို ပြစ်မှားသူသည် သံသရာဘက်ကကြည့်လျှင် နောင်ဘ၀မှာ မိမိအား စိတ်ဒုက္ခများစွာဖြစ်မဲ့ မကောင်းကျိုးများ ခံစားရမည်ဖြစ်ပါသည်။ ထို့အတူ ယခုမျက်မှောက်ဘ၀အတွက် ကြည့်လျှင်လည်း ရောဂါရခြင်း၊ အားနည်းခြင်း၊ ကျန်းမာရေးချို့တဲ့ခြင်းများ ခံစားရပါသည်။ အမှန်ကိုအမှန်အတိုင်းမသိသောသူများသည် တကယ်ချမ်းသားမှုမဟုတ်တဲ့ စိတ်ရဲ့လှည့်စားမှုလေးကိုပဲ မိမိအတွက်ချမ်းသာတယ် ကောင်းတယ်ထင်ကာ မကောင်းမှုများမှာ ပျော်မွေ့ပြီး မိမိကိုယ့်ကို ဒုက္ခရောက်အောင် ပြုလုပ်နေကြခြင်း ဖြစ်ပါသည်။

သူတစ်ပါးပျက်စီးအောင်၊ စိတ်ဒုက္ခရောက်အောင် လိမ်ညာပြောဆိုလှည့်ပတ်သူသည် ယခုမျက်မှောက်တွင် သူတစ်ပါးဆင်းရဲရသလို မိမိခံစားရမည့်အပြင် နောင်တမလွန်မှာလည်း မကောင်းမှုများဖြင့် ပြည့်နပ်နေပြီး မကောင်းကျိုးများဖြင့်သာ ကျင်လည်နေရမည်ဖြစ်သောကြောင့် ထိုသူသည် မိမိကိုယ့်ကို တကယ်ချစ်သောသူ မဖြစ်နိုင်ပါ။

အရက်သေစာသောက်စား မူးယစ်နေသောသူသည် မျက်မှောက်ဘ၀တွင် မကောင်းမှုများလုပ်ရန် ၀န်မလေးခြင်း၊ မိမိမိသားစု စိတ်မချမ်းသာခြင်း၊ မိမိ၏စိတ်သည် ပုံမှန်မဟုတ်သဖြင့် ကောင်းမှုမလုပ်နိုင်ခြင်း၊ စီးပွားရေးများ မကြံဆနိုင် မပြုလုပ်နိုင်သဖြင့် စီးပွားနှောင့်နှေးခြင်း၊ မိမိကိုယ့်ကိုမိမိ ကျန်းမာရေးချို့တဲ့အောင်ပြုလုပ်နေခြင်းတို့အပြင် နောက်ဘ၀တွင်လည်း အရူးဖြစ်ခြင်း၊ ဉာဏ်ထိုင်းမှိုင်းသူဖြစ်ခြင်းစသော မကောင်းကျိုးများကိုသာ ခံစားရမည်ဖြစ်သောကြောင့် မိမိကိုယ်ကို တကယ်ချစ်သောသူ မဖြစ်နိုင်ပေ။

ထို့အတူ ဒေါသကြီးသောပုဂ္ဂိုလ်များသည် ယခုဘ၀၌ မိမိအတွက် ရုပ်ရေကြမ်းတမ်းခြင်း၊ ကျန်းမာရေးချို့တဲ့ခြင်းဖြစ်ပြီး နောင်ဘ၀တွင်လည်း ရုပ်ရေမလှသောသူ ဖြစ်ရပါသည်။ တကယ်လို့သာ မိမိကိုယ်ကိုချစ်တာမှန်ရင် ဒီလိုမျိုး မျက်မှောက်တမလွန်အကျိုးမရှိမဲ့ မကောင်းမှုမှန်သမျှကို ရှောင်ကြဉ်ကာ မိမိဒုက္ခတွေငြိမ်းပြီး ချမ်းသာမှုသာရှိတဲ့ နိဗ္ဗာန်ကိုရောက်အောင် ကြိုးစားပြုလုပ်ရပေမည်။ ထို့ကြောင့် မိမိကိုယ့်ကို နေ့စဉ်နဲ့အမျှ တကယ်ချစ်ရဲ့လားလို့ မေးမေးပေးသင့်ပါသည်။

လူသားအများစု ဘာသာမရွေး၊ လူမျိုးမရွေး ပြုလုပ်နေကြသည့် ပရဟိတလုပ်ငန်းဆိုတာ ရှိပါသည်။ ထို့လုပ်ငန်းသည် တကယ်တွေးကြည့်လျှင် မိမိကိုယ်ကိုချစ်၍ သူတစ်ပါးကိုချစ်နေကြသော ပုဂ္ဂိုလ်များ၏အလုပ်ပင် ဖြစ်ပါသည်။ အဘယ့်ကြောင့်ဆိုသော် သူတစ်ပါးကိုကူညီပေးလိုက်လျှင် မိမိအကျိုးကိစ္စပါ တစ်ခါတည်းပြီးလျက်ဖြစ်နေသောကြောင့် သူတစ်ပါးစိတ်ချမ်းသာ ပျော်ရွှင်ရသလို မိမိလည်းယခုဘ၀မှာ စိတ်ချမ်းသာမှုပီတိများခံစားရပြီး နောင်ဘ၀များစွာတွင်လည်း ကောင်းကျိုးများခံစားလျက် မိမိတို့ပန်းတိုင်ကို လျင်မြန်စွာ ရောက်ရှိပါသည်။

သူတစ်ပါးအကျိုးကိုလုပ်သော ပရဟိတအလုပ်သည် အယုတ် အလတ် အမြတ်မရွေး လူမျိုးမရွေး၊ ဘာသာမရွေး၊ ပုဂ္ဂိုလ်မရွေး၊ ဘယ်သူဘယ်ဝါ မရွေး၊ အားလုံးရဲ့အကျိုးအတွက် လုပ်ပေးခြင်း ဖြစ်သည်။ မိမိကူညီပေးလိုက်သော သူတို့ထံမှ မည်သည့်မျှော်လင့်ချက်မျှ မထားဘဲ ပေးဖို့သက်သက်ပဲ ဖြစ်ပါသည်။ မိမိကူညီပြုလုပ်ပေးလိုက်ရ၍ သူတစ်ပါးချမ်းသာသွားသည်ကိုမြင်ရရင် ပရဟိတသမားများသည် ကျေနပ်နေကြသည်။

လောက၌ ကံဉာဏ်နည်းပါးသဖြင့် ကျန်းမာရေး၊ လူမှုရေး၊ ပညာရေး မလုံလောက်ရှာကြ၍ မပြည့်စုံသူများအား ကူညီလုပ်ပေးလိုက်ရတဲ့အတွက် သူဒုက္ခမှလွတ်ပါစေဆိုသည့် ကရုဏာ၊ ချမ်းသာပါစေဟူသော မေတ္တာအရင်းခံဖြင့် ဆောင်ရွက်ပေးနေကြခြင်း ဖြစ်ပါသည်။ ကိုယ့်ကျေးဇူးကို သိသဖြင့် မိမိအပေါ်ပြန်လည်တုံ့ပြန်မှု မျှော်လင့်မထားကြပါ။ တကယ်စင်စစ်အားဖြင့် ပရဟိတလုပ်ခြင်းသည် လောဘကို တိုက်ရိုက် ဖြိုဖျက်ပေးသော အလုပ်ဖြစ်သည်။ ထို့ပြင် မေတ္တာကရုဏာဖြင့် ဆောင်ရွက်ခြင်းဖြစ်သောကြောင့် ဒေါသကိုလဲ တိုက်ရိုက်ဖျက်ဆီးနေသော အလုပ်လည်း ဖြစ်ပါသည်။ အသိတရား ဦးဆောင်ပြီးလုပ်လျှင် မောဟကိုပါ သန့်စင်လိုက်ခြင်း ဖြစ်သွားသည်။ ထိုကဲ့သို့ လောဘ၊ ဒေါသ၊ မောဟကို အနိုင်ယူရသော အလုပ်ဖြစ်ခြင်းကြောင့် မြင့်မြတ်လှသောအလုပ်ဟု ဆိုနိုင်ပါသည်။

လောကထဲ၌ ဆင်းရဲဒုက္ခအပူ ပြဿနာမျိုးစုံကို ဖန်တီးနေသည့် လောဘ၊ ဒေါသ၊ မောဟ အပူငွေ့များအား ဖယ်ရှားသန့်စင်ပြီး မြင့်မြတ်သောစိတ်ထားဖြင့် ဆောင်ရွက်နေခြင်းဖြစ်သောကြောင့် စဉ်းစားကြည့်လျှင် ပရဟိတအလုပ်သည် အလွန်ကြည်နူးစရာကောင်းသော အလုပ်ပင်ဖြစ်ပါသည်။ ထို့ကြောင့် လူသားအများစုသည် ပရဟိတကို စိတ်ပါဝင်စားစွာဖြင့် ပြုလုပ်နေကြခြင်း ဖြစ်သည်ဟု ထင်မြင်မိပါသည်။

အလှူအတန်းပွဲ၊ အများသူငှာလုပ်နေကြသည့် ပွဲလမ်းသဘင်များတွင် ပရဟိတဝေယျာဝစ္စပြုလုပ်ပေးနေသည်ကို မကြာခဏတွေ့မြင်ရပါသည်။ ထိုသူများသည် ပရဟိတစိတ်ဓာတ်ကြောင့် မိမိနှင့်မသက်ဆိုင်သည့် အလုပ်ကိစ္စများကို အချိန်ကုန်ခံ ပင်ပန်းခံပြီး ပြုလုပ်ပေးနေကြခြင်း ဖြစ်သည်။ ထို့အတူ အသုဘပို့မှုများ၌ လူများစုသည် မိမိတို့လိုက်ပါစရာ မလိုသော်လည်း ပရဟိတစိတ်ရှိသူပီပီ သေသွားသူအား နှုတ်ဆက်သည့်အနေဖြင့်လည်းကောင်း၊ ကျန်ရစ်သူမိသားစုများကို အားဖြည့်ပေးသည့်အနေဖြင့်လည်းကောင်း ၀ိုင်းဝန်ကူညီပြုလုပ်ပေးနေကြသည်။ မြတ်ဗုဒ္ဓက ပရဟိတစိတ်ဓာတ်ဖြင့် အလှူတန်းပွဲများကို ၀ိုင်းဝန်ကူညီပြုလုပ်ပေးသောသူသည် အလှူရှင်များနည်းတူ ကောင်းကျိုးကုသိုလ်ရရှိသည့်အပြင် မေတ္တာကရုဏာဖြင့် ပြုလုပ်ပေးခြင်းကြောင့် သီလလုံခြုံသူများလည်း ဖြစ်သည်ဟု မိန့်တော်မူခဲ့သည်။

ဘုရားရှင်နှင့်ရဟန္တာတို့သည် ယခုမျက်မှောက်လုပ်သော ကောင်းကျိုးများ၏ အကျိုးကျေးဇူးများကို နောက်ဘ၀တွင် ဆက်လက်ခံစားရန် မရှိသော်လည်း ပရဟိတအလုပ်ကို ပြုလုပ်ပေးကြသည်။ တကယ်ဆို ရဟန္တာအရှင်မြတ်များသည် မိမိတို့ရရှိသည့်နိဗ္ဗာန်ချမ်းသာကို ခံစားနေရပါမည်။ သို့သော် သူတော်ကောင်းတို့၏ စိတ်ဓာတ်သည်ကား မိမိချမ်းသာရေးထက် အများချမ်းသာရေးကိုသာ ဦးစားပေးတတ်သောကြောင့် ပရဟိတလုပ်ငန်းများ ပြုလုပ်ကြခြင်း ဖြစ်ပါသည်။

မြတ်ဗုဒ္ဓသည် သူတစ်ယောက်အတွက်ပဲ ချစ်မည်ဆိုလျှင် သုမေဓာရှင်ရသေ့ဘ၀ကတည်းက သာဝကရဟန္တာပုဂ္ဂိုလ်အနေဖြင့် နိဗ္ဗာန်ချမ်းသာကြီးကို အလွယ်တကူ ရယူနိုင်သော အခြေအနေရှိခဲ့ပါသည်။ သို့သော် မိမိကိုယ့်ကို တကယ်ချစ်တာထက် အများကိုပို၍ ချစ်ခင်သောပရဟိတစိတ်ဓာတ်ရှိသူဖြစ်သောကြောင့် သာဝကပုဂ္ဂိုလ်အနေဖြင့် နိဗ္ဗာန်ချမ်းသာမယူဘဲ သဗ္ဗညုတဉာဏ်ရအောင် သူများမလုပ်နိုင်သည့် ပါရမီများကို ဘ၀များစွာ ဆင်းရဲပင်းပန်းခံပြီး အများကိုလည်း သူနည်းတူရအောင် ပြုလုပ်ပေးခဲ့ခြင်း ဖြစ်ပါသည်။

သဗ္ဗညုတဉာဏ်ရ၍ မြတ်ဗုဒ္ဓဖြစ်သောအခါ၌လည်း တစ်ရက်ကို(၂၄)နာရီရှိရာ မြတ်ဗုဒ္ဓသည် (၂၂)နာရီ ပရဟိတအများအကျိုးအတွက် အလုပ်လုပ်ပေးခဲ့ပါသည်။ ထိုကဲ့သို့ မိမိတို့ရဲ့ဆရာသခင်ကျေးဇူးရှင်ဖြစ်သော မြတ်ဗုဒ္ဓသည်ပင် ဤမျှလောက် ပရဟိတအလုပ် လုပ်ခဲ့သေးလျှင် ကျွန်ုပ်တို့သည် မြတ်ဗုဒ္ဓမျှလောက် မလုပ်နိုင်လျှင်သော်မှ မိမိတက်နိုင်သည့် ပရဟိတလုပ်ငန်းများကို မဖြစ်မနေပြုလုပ်ပေးသင့်ပါသည်။

ပရဟိတလုပ်နေချိန်တွင် သီလရှိသူ၊ မေတ္တာ၊ ကရုဏာ၊ မုဒိတာ၊ ဥပေက္ခာဆိုသည့် ဗြဟ္မစိုရ်တရားလေးပါးနှင့်ညီသောကြောင့် ဗြဟ္မာများနှင့်တူသော လူကောင်းတစ်ယောက်ဟု သတ်မှတ်နိုင်ပါသည်။ ပရဟိတလုပ်မနေသောအချိန်တွင်တော့ အကုသိုလ်များလည်း လုပ်နိုင်သောကြောင့် အမြဲလူကောင်းတစ်ယောက်ဟုတ်မဟုတ်တော့ အနီးကပ်လေ့လာမှ သိနိုင်ပေလိမ့်မည်။ သို့သော် မိမိသန္တာန်၌ အများအကျိုးပရဟိတလုပ်ဖို့သာ စိတ်ဆန္ဒရှိနေလျှင်တော့ ထိုသူကို လူကောင်းတစ်ယောက်ဟု သတ်မှတ်နိုင်ပါသည်။

ပရဟိတလုပ်သူသည် မိမိတို့ကျေးဇူးရှင်ဖြစ်သော မြတ်ဗုဒ္ဓကိုလည်း အတုယူသူ မိမိအပေါ်အများက ပြန်လည်တုန့်ပြန်မည့် အကျိုးကျေးဇူးများကိုလည်း မျှော်လင့်ချက်မထားဘဲ မိမိကူညီလုပ်ကိုင်ပေးလိုက်၍ သူတစ်ပါးချမ်းသာပျော်ရွှင်သွားသည်ကိုမြင်ရလျှင် ကျေနပ်မှုပီတိများဖြင့် နှစ်သိမ့်နေသောသူများ ဖြစ်ပါသည်။ ထို့ကြောင့် ကျွန်ုပ်တို့လူသားများသည် ရခဲလှသော လူ့ဘ၀၊ ရှိခဲလှသော သူတော်ကောင်းစိတ်၊ တွေ့ခဲလှသော ဘုရားသာသနာ၊ ပြုနိုင်ခဲလှသော ပရဟိတအလုပ်ကို ယခုလို အသက်ရှိစဉ်အချိန်ကာလလေး၌ များများပြုလုပ်ပေးရပါမည်။ သို့မှသာ မိမိကိုယ့်ကိုရော သူတစ်ပါးကိုပါ တကယ်ချစ်သောသူဖြစ်ပြီး လူဖြစ်ရကျိုးနပ်သော လူတစ်ယောက်ဖြစ်ကာ မိမိတို့ပန်းတိုင်ကိုလည်း လျင်မြန်စွာရောက်ရှိပါလိမ့်မည်။

                                                                                        

မှတ်ချက်။   ။တကယ်ချစ်ရဲ့လား (ပရဟိတဆောင်းပါး)ကို ဆန်နီနေမင်းဘလော့မှကူးယူဖော်ပြသည်။

မိဘေက်းဇူး

မိဘကျေးဇူးဆပ်နိုင်တဲ့သားသမီးများဖြစ်ကြပါစေ........

မြန်မာပြည်အလွမ်းပြေလေး

မြန်မာ့ကျက်သရေဆောင် သံစဉ်လေးနှင့် မြန်မာ့အလှသဘာဝရှုခင်းများ

ငါးပါးသီလနဲ့ပတ်သက်သောဆောင်ပုဒ်ကလေးငါးခု

ပါဏာတိပါတာ၊၊သူ့သက်သတ်က

ချို့တတ်အင်္ဂါ ၊ မွဲပြာရုပ်သွင်

အားအင်ချို့ယွင်း ၊လျင်ခြင်းလဲဝေး

ဘေးကိုကြောက်တတ် ၊ အသတ်ခံရာ

အနာများလျှက် ၊ခြွေရံပျက်၍

အသက်တိုလျ ၊ ပြစ်များစွာသည်

ရှောင်က အပြန်အကျိုးတည်း။

အဒိန္နာဒါနာ ၊ ခိုးမိပါမူ

ဥစ္စာနည်းမွဲ ၊ ဆင်းရဲငတ်ဘိ

လိုရှိမရ ၊ ဘောဂပျက်စီး

ရေမီးသူခိုး ၊ မွေခံဆိုးနှင့်

မင်းဆိုးအပြား ၊ ရန်မျိုးငါးကြောင့်

ပျက်ပြားဥစ္စာ ၊ ပြစ်များစွာသည်

ရှောင်ခါ အပြန်အကျိုးတည်း။

မိစ္ဆာစာရာ ၊ ကျူးလွန်ကလည်း

မုန်းကြသူများ ၊ရန်သူပွား၍

ရှားပါးလာဘ်တိတ် ၊ ချမ်းသာဆိတ်၏

ဣတ္ထိပဏ္ဍုက် ၊မျိုးရုပ်ခါခါ

မျက်နှာမလှ ၊ အရှက်ရလျှက်

လက္ခဏဣနြေ္ဒ ၊ယွင်းသွေချို့သိမ်

စိုးရိမ်များစွာ ၊ ချစ်သူကွာသည်

ရှောင်ခါ အပြန်အကျိုးတည်း။

မုသားစကား ၊ ပြောဆိုငြားမူ

စကားမပီ ၊ သွားမညီတည်း

ပုပ်ညှီပါးစပ် ၊ ခြောက်ကပ်ကိုယ်ရေ

ဣနြေ္ဒနောက် ၊ ပုံယွင်းဖောက်၏

မရောက်သြဇာ ၊ နှုတ်လျှာကြမ်းထော်

လျှပ်ပေါ်လော်လီ ၊ စိတ်မတည်သည်

ရှောင်ပြီအပြန်အကျိုးတည်း။

သေရည်သောက်လင့် ၊သင့်မသင့်၌

ရေးခွင့်မသိ ၊ ပျင်းရိမေ့ရူး

ကျေးဇူးမဆပ် ၊ဟိရောတ္တပ်ကင်း

ခမင်းများထို ၊ အကုသိုလ်ကို

မငြိုလွယ်ရာ ၊ပြုကျင့်ရာသည်

ရှောင်ခါအပြန်အကျိုးတည်း။

ဥပုသ်သီလစောင့်တည်ခြင်းအကြောင်း

ဥပုသ် ဆိုတဲ့ စကားလုံးက စိတ်ကောင်းစိတ်မြတ်၊ ဓာတ်ကောင်းဓာတ်မြတ်တွေနဲ့ ပြည့်စုံစွာ နေထိုင်ခြင်း လို့ အဓိပ္ပာယ်ရပါတယ်။

တနည်းပြောရင်တော့ စိတ်လျှော်ဖွပ်တဲ့အလုပ် ကို ဥပုသ်လို့ ခေါ်ပါတယ်။ ကိုယ့်စိတ်မှာ ညစ်ပတ်ပေကျံနေတဲ့ လောဘ၊ ဒေါသ၊ မာန၊ ဣဿ စတဲ့ ကိလေသာ အညစ်အကြေးတွေကို ဖြူဖွေးသန့်စင်သွားအောင် ဆေးကြောလျှော်ဖွပ်နေတာကိုပဲ ဥပုသ်စောင့်တယ်လို့ခေါ်တာပါ။

            ညစာမစားရုံသက်သက်နဲ့ ဥပုသ်ရတယ်လို့ မခေါ်နိုင်သေးပါဘူး။ စ်ိတ်အ၀တ်ကို သန့်စင်သွားအောင် လျှော်ဖွတ်နိုင်မှ ဥပုသ်ရတယ်လို့ ခေါ်ပါတယ်။

            သမထဆပ်ပြာနဲ့ တိုက်လို့ပဲဖြစ်ဖြစ်၊ ၀ိပဿနာဆပ်ပြာနဲ့ တိုက်လို့ပဲဖြစ်ဖြစ် ကိုယ့်စိတ်အ၀တ်လေး ဖြူဖွေးသန့်စင်နေပြီဆိုလျှင် အဲဒီနေ့ ဥပုသ်စစ်စစ်ရပါတယ်။ ဘာ ဘာဝနာဆပ်ပြာနဲ့မှ မတိုက်ပဲ သိက္ခာပုဒ်ရှစ်ခု မကျိုးရင်ပြီးရော နေရိုးနေစဉ်အတိုင်းနေနေမယ်၊ လုပ်ရိုးလုပ်စဉ်အတိုင်း လုပ်နေမယ်ဆိုရင်တော့ အဲဒီနေ့ ဥပုသ်စစ်စစ်မရဘဲ ဥပုသ်မစစ်တစစ်ပဲ ရပါလိမ့်မယ်။

            မလွန်ကျူးပါဘူးလို့ ကတိပြုထားတဲ့ သိက္ခာပုဒ်ရှစ်ခုကို မကျိုးမပေါက်အောင် စောင့်ထိန်းနိုင်ရုံနဲ့ ဥပုသ်ရဲ့အဓိပ္ပာယ် မပြည့်စုံသေးပါဘူး။ ကိုယ့်ရဲ့ စိတ်ဝတ်စုံမှာ ပေကျံကပ်ငြိနေတဲ့ ဓာတ်ဆိုးဓာတ်ညံ့ အညစ်အကြေးတွေ၊ ဓာတ်ပုပ်ဓာတ်ယုတ် အနံအစော်တွေကို လွင့်စဉ်ကင်းပသွားအောင် ဖယ်ရှားရှင်းလင်းနိုင်မှ ဥပုသ်ရဲ့ အဓိပ္ပာယ် ပြည့်စုံပါတယ်။ စာသံပေသံနဲ့ ပြောရရင်တော့ စိတ်မှာ ကိလေသာကင်းအောင် လုပ်နိုင်မှ ဥပုသ်ရပါတယ်။ သိက္ခာပုဒ်ရှစ်ခု မကျိုးပေမယ့် ကိုယ့်စိတ်ကိုယ် ကိလေသာကင်းအောင် မလုပ်နီုင်ရင် ဥပုသ်မရပါဘူး။

            “ဥပုသ်= စိတ်လျှော်ဖွပ်တဲ့အလုပ်” ဆိုတဲ့ အဓိပ္ပာယ်ဖွင့်ဆိုချက်အရ ငါးပါးသီလပဲ စောင့်ထိန်းပြီး စိတ်လျှော်ဖွပ်နေရင် အသွင်သဏ္ဌာန်အရ ဥပုသ်လို့ မခေါ်ပေမယ့် အနှစ်သာရ အရကတော့ ဥပုသ်လို့ ခေါ်နိုင်ပါတယ်။ ရှစ်ပါးသီလစောင့်ထိန်းပြီး စိတ်မလျှော်ဖွတ်ရင်တော့ အသွင်သဏ္ဌာန်အရ ဥပုသ်လို့ ခေါ်ပေမယ့် အနှစ်သာရ အရကတော့ ဥပုသ်လို့ မခေါ်နိုင်ပါဘူး။

ဝါတွင်းသုံးလအခါသမယမှာ ဥပုသ်သီလဆောက်တည်တဲ့သူတွေအများအပြားရှိကြပါတယ်။ မိမိကိုယ်တိုင်လဲအပါအ၀င်ပါပဲ။ ဒါပေမယ့် ဥပုသ်ဆောက်တည်တယ်ဆိုတာ သိက္ခာရှစ်ပါးကို ဆောက်ထိန်းနိုင်ရင် ရပြီလို့ကိုယ့် စိတ်ထဲမှာမှတ်ထားခဲ့ပါတယ်။ ဒါပေမယ့်လဲ အရှင်ဆန္ဒာဓိက၏ စိတ်အားဖြည့်ဓမ္မပန်းပွင့်စာအုပ်ထဲမှ ဥပုသ်သီလနဲ့ပတ်သတ်တဲ့(စိတ်ကိုထုလုပ်စနစ်မှန်မှ မဖိတ်ယိုဥပုသ် အနှစ်ကျန်ပါတယ်၊ ဆပ်ပြာကူမှအညစ်ပျောက် ဖြတ်ရာမူမှ အနှစ်ရောက်၊ အညစ်စုပြုတ်မှ အနှစ်ဥပုသ်ရပါတယ်၊စိတ်လျှော်တာ အခုလုပ်ရင်ဥပုသ်ပါပဲ) ဆိုတဲ့ဆရာတော်ရဲ့ ဆောင်းပါးလေးတွေကိုဖတ်ပြီးမှ ဥပုသ်သီလဆောက်တည်တဲ့အခါမှာ စိတ်ထဲမှာ ကိလေသာကင်းအောင်အရင်လုပ်နိုင်မှသာ ဥပုသ်ရတယ်ဆိုတဲ့ အကြောင်းလေးကိုသိရပါတော့တယ်။ ဒါ့ကြောင့် ဥပုသ်ဆောက်တည်သူများအားလုံးသိစေရန်ရည်ရွယ်၍ ဒီပို့စ်လေးကို ရေးသားလိုက်ရခြင်းဖြစ်ပါတယ်။

ပါရမီဆယ်ပါး

မြင့်မြတ်တဲ့ဘ၀ကို တည်ဆောက်လိုသူတိုင်း "ပါရမီ" ကိုမဖြစ်မနေ ဖြည်ကျင့်ရပါတယ်။
 ပါရမီအလုပ်ကိုလုပ်မှ လူတစ်ယောက်ဟာ မြင့်မြတ်သူ ဖြစ်လာနိုင်ပါတယ်။
"ပါရမီ"ဆိုတာ "မြင့်မြတ်သူတွေရဲ့အလုပ်"ဖြစ်နေလို့ပါ။
မြင့်မြတ်သူတွေ ၊မြင့်မြတ်လိုသူတွေလုပ်တဲ့ ပါရမီ အလုပ်ကဆယ်မျိုးရှိပါတယ်။
(၁)ဒါနပါရမီ - စွန့်ကြဲပေးကမ်းလှူဒါန်းခြင်း။
(၂)သီလပါရမီ - ကိုယ်နှုတ်လွန်ကျူးမှုစောင့်ထိန်းခြင်း။
(၃)နေက္ခမ္မပါရမီ - ကာမဂုဏ်အာရုံ ရှောင်ခွာခြင်း တောထွက်ခြင်း။
(၄)ပညာပါရမီ - အတတ်ပညာမျိုးစုံ၊အသိပညာမျိုးစုံသိခြင်း,သိစေခြင်း။
(၅)၀ီရီယပါရမီ - ကုသိုလ်ကိစ္စ၊အပြစ်မဲ့ကိစ္စတို့ကို ရဲရဲဝံ့ဝံ့ စွန့်စွန့်စားစား ကြိုးပမ်းအားထုတ်ခြင်း။
(၆)ခန္တီပါရမီ - သဘာဝဘေးဒဏ်နှင့် သတ္တ၀ါလုပ်ဘေးဒဏ်တို့ကိုသည်းခံခြင်း၊ခံနိုင်ရည်ရှိခြင်း။
(၇)သစ္စာပါရမီ - မလိမ်မညာ မလှည့်မပတ်ဘဲ ဖြောင့်မတ်မှန်ကန်စွာ ဟြေဆိုလုပ်ကိုင်ခြင်း။
(၈)အဓိဋ္ဌာန်ပါရမီ - ကုသိုလ်အလုပ်၊အပြစ်မဲ့အလုပ်တို့ကို ရည်မှန်းချက်မရောက်မချင်း စွဲစွဲမြဲမြဲ စိတ်ဇွဲသန်သန် အားမာန်ခိုင်ခံ့စွာပြုလုပ်အားထုတ်ခြင်း။
(၉)မေတ္တာပါရမီ - သတ္တ၀ါအများရဲ့ အကျိုးစီးပွားကိုလှိုက်လှဲစွာ လိုလားခြင်း။
(၁၀)ဥပေက္ခာပါရမီ - ကိုယ့်ကို ချစ်သူ၊မုန်းသူတွေအပေါ်ကိုယ်က ချစ်စိတ်၊ မုန်းစိတ်မထားဘဲ တည်တည်တံ့တံ့ ခံ့ခံ့သန့်သန့် နေခြင်း။
အရှင်ဆန္ဒာဓိကရေးသားသော" မြတ်သောဥပေက္ခာ" စာအုပ်မှကောက်နှုတ်ဖော်ပြသည်။

ချစ်သူ့ အလိုကျ

သဝန်တိုသူ အဖြစ်ပေမို့
ဟိုအရင်လို သူပြန်ချစ်စေဖို့တော့
ငြင်ငြိုတဲ့ သူစိတ် ထွေကို
စိတ်ပြေအောင် ချော့ပါမှ
လျော့ကျတယ်လေ။

သူစိတ်နေမှာ အလိုမကျပါက
အတိတ်တွေသာ ငိုကာပြောလေတော့
သဘောအထွေထွေနှင့် သူစိတ်နေမှာ
သောကတွေဝေ။

အသည်းတွေ ကြွေလုပြီမို့
အမြဲနေ အထွေထွေပြုနေဖို့
ဒီလူ့မှာ တာဝန်တွေထမ်းပါရ
နွမ်းလျပြီပေါ့။

မောပါဘူး ချစ်သက်လယ်ရယ်
မော်ကာဖူး နှစ်သက်မယ်ကွယ်
အသက်ဝယ် သိမ်းကာဆည်းလို့
ကမ္ဗည်းထိုး မှတ်ကျောက်တင်မယ်
ကိုယ်ရင်ဝယ် ထွန်းမယ့်လမင်း
အရောင်တွေ စုံစွာခင်းလို့
လင်းစေအုံး(ဦး)တော့။

အမေ သို. ---ပြန်စာ

ကောင်းကင် ဝေဟင်ထက်ဖျား
လေယာဉ်တက်သွားတာမြင်တိုင်း
လွမ်းဆွတ် ကြေကွဲ၊ ရင်ထဲရှိုက်လည်း
ကြိတ်ခဲမြိုသိပ် ၊တမ်းတစိတ်နဲ့
ရွာဦးထိပ်ဖျား ၊ထုံးစေတီနား က
ပင်ညောင်ညိုတန်း ၊သားပြန်လမ်းကို
မျော်တွေးမှန်းဆ ၊လွမ်းမျက်ရည်စ နဲ့
မညီမညာလက်ရေး ၊ဒီစားလေးကို
အမေရေးကာ..ပေးလိုက်တယ်......လို့.....၊
အမေ့ရဲ့စာလေး သား ဖတ်ကာဆွေးခဲ့ရတယ်..............။

ပျော်ရာမှာ မနေ ၊တော်ရာမှာနေလည်း
နွေးထွေးကမ္ဘာ ၊အမေ့အိမ်ယာ နှင့်
မိုင်ထောင်သောင်း ဝေးကွာခြင်း မှတ်တိုင်တနေရာမှ
အခက်အခဲတွေ ရင်ဆိုင်ကျော်ဖြတ်ရင်း
ခါးသီးနေ့၊ည တို့နှင့် မွန်းကျပ်နေခဲ့တာ
ပင်စင်{pension} ယူသွားတဲ့ ပြက္ခဒိန် တွေ မနည်းတော့ဘူး.....အမေ။

ရာသီ အလီလီပြောင်း ၊မဟောင်းနိုင်တဲ့
အမေ့ ရဲ့ မေတ္တာအကြောင်း ၊တွေးမိလေတိုင်း
မျက်ရည်ဝိုင်းဆဲ၊ သတိရဆဲပါ.........အမေ။

မနက်မနက် ၊အဟာရတက်ဖို့
ကော်ဖီတခွက် ၊ပေါင်မုန့်တချက်ထက်
နနွင်းရောင်စွန်း ၊အေ့.ထမင်းကြော် တဇွန်းနှင့်
ဖန်ခါးရောစွက် ရေနွေချမ်းတခွက် ကိုဘဲ
အောင်းမေ့တမ်းတမိတယ်..........အမေ။

နေ၀င်ဖြိုးဖျ ၊မိုချုပ်စရောက်တိုင်း
မိသားစုဝေး ၊ထမင်းဝိုင်းလေးရဲ့
ရသာစုံလင် ၊အမေ့လက်ရာမွန်ဟင်းအကြာင်း
မြင်ရောင်မှန်ဆ တွေးတိုင်း
မျက်ရည်နှင့် ထမင်း ရောနှောလို့
စားခဲ့ရတဲ့ ရက်တွေ များလှပါပြီ.......အမေ။

ညစဉ်မပျက် ၊ဖျင် သဘက်ပခုံးပေါ်တင်
ကြေးစည်သံလေး ၊အမျှပေးကာ
သတ္တ၀ါ အပေါင်း ၊ကျန်းမာကြောင်းနှင့်
ဆုတောင်းမေတ္တာ ၊ပို့သခါတိုင်း
သားကို တမ်းတ ၊လွမ်းမျက်ရည်စ အဓိပ္ပါယ် ကို
အိမ်သားအားလုံးမသိနိုင်ပေမဲ့
အမေနှင့် ပခုံးထက်က ဖျင်သဘက်သာ အသိဆုံးဖြစ်မှာပါ.......အမေ။

အမေ....................။
လွမ်းမောတမ်းတ ၊နွှမ်းလျှရက်တွေ
ဇရာအိုဟောင်း ၊စိတ်ထောင်းကိုယ်ကျေ
သောက ရတက်ပွေ ၊တွေးမနေနှင့်
ရည်ရွယ်မျော်မှန်း ၊ပန်းတိုင်လှမ်းသော်
အမေ့အိမ် သားအပြန်လမ်း
ထုံးစေတီ ၊ပင်ညောင်ညိုတန်းက
အနှိုင်းမဲ့ ပီတိပန်းနှင့်-
စောင့်ကြိုနှင့်တော့ .............အမေ။