ငြိမ်းအေးသောဘ၀ပိုင်ရှင်

ငြိမ်းအေးသောဘ၀ပိုင်ရှင် ဖြစ်ဖို့အတွက် နောက်အရည်အသွေးတစ်ခုကတော့ စကားကို ဉာဏ်နဲ့ချင့်ချိန်ဆင်ခြင်ပြီးမှပြောဆိုခြင်း ၊ သို့မဟုတ် နှုတ်စောင့်စည်းခြင်းဆိုတဲ့ အရည်အသွေးပါပဲ။
စကားကို ဉာဏ်နဲ့မဆင်ခြင်ဘဲ ပြောတတ်တဲ့သူ ၊ နှုတ်မစောင့်စည်းတဲ့သူဟာ
စိတ်ရဲ့ငြိမ်းအေးမှုကို ဘယ်တော့မှ မရနိုင်ပါဘူး။ ဘာလို့လဲဆိုတော့
နှုတ်မစောင့်စည်းဘဲအဆင်ခြင်မဲ့ ပြောလိုက်တဲ့စကားတွေရဲ့
နောက်ကွယ်မှာ စိတ်ဆင်းရဲစရာ ပြသနာတွေရှုပ်ထွေးစွာပါလာတတ်လို့ပါပဲ။

သဒ္ဓါတရားဆိုရာဝယ်

ဘာသာဝါဒတိုင်းတွင် ယုံကြည်မှု(မျက်စိမှိတ်ယုံကြည်မှု)ပေါ်တွင် အခြေခံကြပါသည်။ အခြားဘာသာဝင်တို့ နားလည်ကြသော သက်ဝင်မှု၊ ယုံကြည်မှု စသည်တို့သည် ဗုဒ္ဓ၀ါဒနှင့် ပတ်သက် ခြင်းကား မရှိပေ။ သို့သော် ဗုဒ္ဓ၀ါဒစာပေများတွင်တွေ့ရှိသော သဒ္ဓါဟူသော စကားလုံးကို အများအား ဖြင့် သက်ဝင်မှု၊ ယုံကြည်မှု ဟု ဘာသာပြန်လေ့ရှိသည်။ သို့ရာတွင် သဒ္ဓါ ဆိုသည်မှာ ယုံကြည်မှု မည်ကာမတ္တမဟုတ်၊ ကိုယ်တိုင် ကျေကျေနပ်နပ် ရှင်းရှင်းလင်းလင်း သိရှိနားလည်၍ ဖြစ်ပေါ်လာသော စိတ်ချယုံကြည်မှုမျိုးဖြစ်လေသည်။ ယုံကြည်မှုဆိုရာတွင် သိမြင်မှု(အပြည့်အစုံသိရှိနားလည်မှု) မရှိမှ ဖြစ်ပေါ်နိုင်သည်။ ရတနာသုံးပါးအပေါ်တွင် စိတ်ချယုံကြည်မှုမှ အမှန်တကယ်သိမြင်နားလည်မှုသို့ ကူးပြောင်း၍ သံသရာဝဲဂယက်မှ ရုန်းထွက်နိုင်ရမည်ဖြစ်သည်။ လက်ထဲတွင် ကျောက်မျက်ရွဲတစ်လုံးကို ဆုပ်ဝှက်ထားပါသည်ဟုဆိုလျှင် ကိုယ်တိုင်မမြင်ရ၍ ယုံကြည်ရသော ကိစ္စမျိုးဖြစ်သည်။ လက်ဝါးကို ဖြန့်၍ ကျောက်မျက်ရွဲကို ထုတ်ပြပါလျှင် မျက်စိဖြင့်ကိုယ်တိုင်မြင်ရပြီဖြစ်၍ အမှန်တကယ် သိမြင် နားလည်မှုဖြစ်ပေသည်။ ထို့ကြောင့်ပင် သဒ္ဓါယ တရတိ သြဃံ (အခက်အခဲမှန်သမျှကို ယုံကြည်ချက် ဖြင့် လွန်မြောက်၏) ဟူ၍ ဗုဒ္ဓမြတ်စွာ မိန့်ဆိုခဲ့ခြင်းဖြစ်ပါသည်။ သြဃဆိုရာ၌ အခက်အခဲမျှပင် မကဘဲ သြဃတည်းဟူသော ပကတိရေအယဉ်သည် သတ္တ၀ါများကို လွှမ်းမိုးနှစ်မြှုပ်နှိပ်စက် သတ် ဖြတ်တတ်သကဲ့သို့ လောဘ၊ ဒိဋ္ဌိနှင့် မောဟတရားတို့သည်လည်း သတ္တ၀ါများကို လွှမ်းမိုးနှစ်မြှုပ် နှိပ်စက်သတ်ဖြတ်တတ်သည်။ ၀ဋ်ဒုက္ခအပါယ်လေးပါးအထိ နစ်မြုပ်အောင် လွှမ်းမိုးသတ်ဖြတ် တတ်သည်။ ၄င်းသြဃလေးပါးကို ဖော်ပြပေးလိုက်ပါသည်။

ပရိတ်ကြီး ဆယ့်တစ်သုတ် ရွတ်ဆိုရခြင်းရဲ့ အကျိုးများ

ပရိတ်ဆိုတာ ပရိတ္တ = အရံအတားလို့ ဆိုပါတယ်။ မြတ်စွာဘုရားရှင် လက်ထက်တော် အခါ ကတည်းက မြတ်စွာဘုရားက တောထဲ တောင်ထဲ အဆင်ပြေရာ သီတင်းသုံးနေထိုင် ကြရတဲ့ တောရ ဆောက်တည် ကြတဲ့ တပည့်သား သံဃာတော် အရှင်မြတ်များ ဘေးရန်များက လွတ်အောင် ရွတ်ဆို ပွားများစေတဲ့ အရံ အတား ဂါထာ မန္တာန်တော်များ ဖြစ်ပါတယ်။

. . .

မြန်မာများ ရင်းနှီးနေကျ ပရိတ်ကြီး ဆယ့်တစ်သုတ်မှာ သူ့ သုတ်နဲ့ သူ၊ ဘယ်သုတ်ဟာ ဘယ်လို ဘေးမျိုးအတွက် အရံ အတားဖြစ်တယ် ဆိုတာ အဓိပ္ပာယ် ကိုယ်စီ ရှိပါတယ်။ ပရိတ်ရွတ်ရာမှာ ရွတ်သူ စည်းကမ်းနဲ့ ကြားနာသူ စည်းကမ်း ၂မျိုး ရှိပါတယ်။ စည်းကမ်းကို လိုက်နာပြီး ရွတ်မှ ထက်မြက်စွာ အကျိုး ပေးတယ်လို့ ဆိုပါတယ်။

ရွတ်သူ စည်းကမ်းများကတော့
(၁) ပုဒ်ဖြတ် ပုဒ်နေ ပါဠိ သဒ္ဒါ အသံမှန်အောင် ရွတ်ရပါမယ်။
(၂) ကိုယ်ရွတ်တဲ့ ပါဠိကို အဓိပ္ပာယ်ကို အတိအကျ အစအဆုံး မသိတောင် အကြမ်းဖျင်းတော့ သိရပါမယ်။ (၃) လာဘ်လာဘ အတွက် ငွေအတွက် မရွတ်ရပါဘူး။ ကြည်လင် သန့်စင်တဲ့ စေတနာ သဒ္ဓါတရားနဲ့သာ ရွတ်ရပါမယ်။

ကံ မြောက်ခြင်း မမြောက်ခြင်းနှင့် ကံ ပြတ်ခြင်း

ကံ၊ ကံ၏အကျိုးနှင့် ပတ်သက်၍ ဆွေးနွေးကြ သုံးသပ်ကြပြီးသည့်နောက် ကံမြောက်၏ မမြောက်၏ဆိုသည်ကို သိဖို့ရန် လိုအပ် လာပြန်သည်။ ကုသိုလ်ပဲဖြစ်စေ အကုသိုလ်ပဲဖြစ်စေ လုပ်တိုင်း လုပ်တိုင်း အောက်ပါအချက် ၃ ချက် နဲ့ တိုင်းတာ ကြည့်သင့်သည်-
၁) စေ့ဆော်မှု စေတနာပါ မပါ။ တနည်းဆိုလျှင် အထမြောက်စေလိုသော ရည်ရွယ်ချက် ရှိခြင်း မရှိခြင်း။
စေတနာ ထက်သန်ခြင်း၊ မထက်သန်ခြင်း။
၂) ကံကံ၏အကျိုးကို ယုံကြည်တဲ့ ဉာဏ် ယှဉ် မယှဉ်။
၃) သီလသမာဓိပညာ ဘုန်းကံကြီးတဲ့သူကို ရည်စူးမိခြင်း ရှိ မရှိ။
ဤ ၃ ချက် အားကောင်းမှု မကောင်းမှုအပေါ်မူတည်၍ ကံ အကျိုးပေး အနည်းအများ ကွာပါသည်။ တစ်ခုတည်းကို ရွှေးထုတ်ပြရလျှင် စေတနာသည်သာ အခရာကျနေပါသည်။ သိလျက်ပြုခြင်း မသိ၍ပြုခြင်းအပိုင်းတွင် ဒိဌိနဲ့ ယှဉ်လျက် အကောင်းအဆိုးမသိခြင်းနှင့် ဒိဌိကင်းသော်လည်း မရည်ရွယ်ပဲ မသိ၍လုပ်မိခြင်းတို့ရှိသည်။ ဒိဌိမကွာသေးသူမှာ အမှားကို အမှန်ထင်ပြီးလုပ်သောကြောင့် လုပ်မိသမျှ စိတ်အားထက်ထက်သန်သန် လုပ်မိသောကြောင့် အပြစ်ပို ဖြစ်နေတတ်သည်။ ဒိဌိကင်းသောသူများမှာ မလုပ်ခင်မှာပင် အမှားအမှန်ဆန်းစစ်လေ့ရှိသဖြင့် အမှားမှန်းသိသိဖြင့် ရည်ရွယ်ချက်ရှိရှိ ဘယ်သောအခါမျှ မလုပ်ကြပါ။

သင်သေသွားသော်...

သူတို့အဆုတ် ၊ ထားခဲ့မြုပ်သည့်
ဗုံးငုပ်တိုက်မှား ၊ မောင်ပြောက်ကျားကို
ရွာသားရွာသူ ၊မေးကြမြူသည်
အူအူယမ်းငွေ့ ထတုန်းတည်း။
• အမောင်ပြောက်ကျား ၊ ချစ်သူအားကို
ဘာများမှာခဲ့ လိုသနည်း ။
• ငယ်ကကြင်မြတ် ၊မိသတ်မှတ်ကို
ခွင့်လွတ်ခဲ့ကြောင်း ပြောပါလေ။
• မောင်ပြောက်ကျား ၊မိဘအားကို
ဘာများမှာခဲ့လိုသနည်း ။
• မွေးသည့်မိခင် ၊မွေးဖခင်ကို
ဦးတင်ခဲ့ကြောင်း ပြောပါလေ။
• အမောင်ပြောက်ကျား ၊တိုင်းပြည်အားကို
ဘာများမှာခဲ့ လိုသနည်း။
• ခရီးမတ်တတ် ၊ လမ်းခုလတ်တွင်
ကိုယ်လွတ်ရှောင်ခွာ ၊ ခွဲရပါ၍
အားနာခဲ့ကြောင်း ပြောပါလေ။
• ယမ်းငွေ့အူအူ ၊ တလူလူနှင့်
မေးမြူကြတုန်း အနောက်ကုန်းတွင်
နေလုံး ကွယ်လေပြီတကား။ ။

မင်းသုဝဏ်(၈-၂-၁၉၆၃)

သင်အောင်မြင်လိုသော်

လူတိုင်းလူတိုင်းဟာ အောင်မြင်ခြင်းကို အလိုရှိကြပါတယ်၊ အောင်မြင်ဖို့ ကြိုးစားနေကြတယ်၊ အောင်မြင်ဖို့ အလုပ်လုပ်နေကြတယ်ဆိုရင် မမှားပါဘူး၊ စာအုပ်ကိုင်ကျောင်းတတ်နေတဲ့ ကျောင်းသူ/ သားတွေကလည်း စာမေးပွဲအောင်မြင်ဖို့ တိုက်ပွဲဝင်နေတဲ့ စစ်သားတွေကလည်း တိုက်ပွဲကိုအောင်မြင် ဖို့၊ ဘောလုံးကွင်းထဲမှာ အားကြိုးမာန်တက် ယှဉ်ပြိုင်ကစားနေကြတဲ့ ဘောလုံးသမားတွေကလည်း မိမိရဲ့အသင်းအောင်မြင်ဖို့၊ ပိုက်ဆံထုပ်ပိုက်ပြီး စီးပွားရေးလုပ်နေကြတဲ့ လုပ်ငန်းရှင်တွေကလည်း စီးပွားရေးမှာ အောင်မြင်ဖို့၊ စကားကုန်ပြောရမယ်ဆိုရင် တရားရိပ်သာမှာ သို့မဟုတ် တောထဲမှာ တရားအားထုတ်နေတဲ့ ယောဂီသူတော်စဉ်တွေလည်း မသိခြင်း တွေဝေခြင်းနဲ့ တပ်မက်ခြင်းတွေကို တဒင်္ဂအောင်မြင်မှုဆီကနေ ထာဝရအောင်မြင်ဖို့ ရည်ရွယ်ပြီးတော့ လူတိုင်းဟာ မိမိတို့နေရာဒေသ နယ်ပယ်တွေမှာ ကြိုးစားနေကြရပါတယ်။

          မိမိဘ၀မှာ လိုချင်နေတဲ့ အရာတစ်ခု ရောက်ချင်နေတဲ့ အဆင့်အတန်းတစ်ခုပြီးမြောက်လိုတဲ့ အရာတစ်ခုကို ရရှိပြီးမြောက်သွားကြတာကိုပဲ အောင်မြင်ခြင်းလို့ခေါ်ရမယ်ထင်ပါတယ်။ ဒါကြောင့် သတ္တ၀ါအားလုံးဟာ နေ့တဓူဝ အောင်ပွဲတွေ အောင်မြင်မှုတွေ တစ်ခုပြီးတစ်ခုရဖို့ ရုန်းကန်ကြိုးစားနေ ကြတယ်လို့ဆိုရင် မမှားနိုင်ပါဘူး၊ ကြိုးစားနေကြသလို အောင်ပွဲတွေ အောင်မြင်မှုတွေ တစ်ခုပြီးတစ်ခု ရရှိနေကြပါတယ်၊ သို့သော် အဆုံးသတ်ထာဝရ အောင်မြင်မှုတော့ မဟုတ်ပါ။

လုပ်ငန်းခွင်ထူးချွန်ထက်မြက်သူတို့၏ အလေ့အထ (၇) ရပ်

ကိုယ်လုပ်နေတဲ့ လုပ်ငန်းခွင်မှာ ကျွမ်းကျင် အောင်မြင်နေပြီး ထူးချွန် ထက်မြက်သူတွေလို့ အများက သတ်မှတ်ခံထားရသူတွေရဲ့ အလေ့အထတွေ ဖြစ်ပါတယ်။

အလေ့အထ (၁) လိုချင်တာတွေကို ဖန်တီးရယူတတ်ခြင်း
ဘဝမှာ ကိုယ်ဖြစ်ချင်တဲ့ ဆုံးဖြတ်ချက်ကို ချမှတ်ပြီး ဆုံးဖြတ်ထားတဲ့အတိုင်း ဖန်တီးကြိုးစားတတ်ပါတယ်။ ကိုယ်ရဲ့ ရွေးချယ်မှုအတွက် အပြည့်အဝ တာဝန်ယူတတ်ပြီး ဖြစ်လာသမျှ အကောင်း၊ အဆိုးတွေကို ရင်ဆိုင် ဖြေရှင်းနိုင်စွမ်း ရှိပါတယ်။


အလေ့အထ (၂) စိတ်ကို လေ့လာခြင်း
ကိုယ့်မှာရှိတဲ့ အကျင့်စရိုက်၊ အားသာချက်တွေနဲ့ ဘဝ ရည်မှန်းချက်တွေကို နက်နက်နဲနဲ နားလည်အောင် ကြိုးစားပြီး ကိုယ့်ကိုယ်ကိုယ် ဆန်းစစ် ရှာဖွေပါတယ်။ သင်ရဲ့ ပေါင်းသင်းဆက်ဆံရေးဆိုင်ရာ၊ နေထိုင်မှုဆိုင်ရာ အခန်းကဏ္ဍ အမျိုးမျိုးက စစ်မှန်တဲ့ အကျင့်တွေကို မညှာတမ်း အကဲဖြတ်ပါတယ်။

အလေ့အထ (၃) အရေးကြီးဆုံး အလုပ်ကို အရင်ဆုံး လုပ်ဆောင်တတ်ခြင်း
သီတင်းပတ် တစ်ပတ်ချင်းစီအလိုက် အရေးကြီးတဲ့ လုပ်ငန်းတာဝန်တွေကို အစီအစဉ်ချပြီး အရေးကြီးဆုံး အရာတွေကို ထိပ်ဆုံးမှာထားကာ ဦးစားပေး ဆောင်ရွက်ပါတယ်။ ကြိုးစား အားထုတ်မှုတိုင်းဟာ ကိုယ်လိုချင်တဲ့ ဘဝနေထိုင်မှုဆိုင်ရာ တန်ဖိုးရအောင် ပံ့ပိုးပေးနိုင်ဖို့ ထည့်သွင်း စဉ်းစားပါတယ်။

အလေ့အထ (၄) Win-Win ဆိုသော အခြေအနေကို စဉ်းစားတတ်ခြင်း
ပေါင်းသင်း ဆက်ဆံရေးမှာ အကျိုးရှိတဲ့ သဘောတူညီချက်ရဖို့ ကိုယ်လည်း အနိုင်ရစေ၊ သူလည်း အနိုင်ရစေဆိုတဲ့ Win- Win Situation ကို နားလည် တန်ဖိုးထားပြီး အလေးထား လုပ်ဆောင်ပါတယ်။ အခြေအနေ တစ်ရပ်မှာ လူတစ်ဦးတည်းပဲ အောင်မြင်နေတာထက် ပါဝင်သူအားလုံး အောင်မြင်အောင် စဉ်းစား နားလည်ပေးတာက လူတွေကို တန်ဖိုးထား လေးစားတတ်တဲ့ အရည်အချင်းတစ်ရပ် ဖြစ်ပါတယ်။

အလေ့အထ (၅) အရင်ဆုံး သူတစ်ပါးကို နားလည်ရန် ကြိုးစားပြီး နောက်မှ ကိုယ့်ကို နားလည်မှု ရရှိစေရန် ကြိုးစားတတ်ခြင်း
လူတစ်ဦးရဲ့ စစ်မှန်တဲ့ ရင်းနှီးမှုကို ရရှိဖို့အတွက် စာနာ နားလည်တတ်တဲ့ စိတ်နဲ့ နားထောင်လေ့ ရှိပါတယ်။ သူတို့ ရင်ဖွင့်သမျှကို နားထောင်ပြီး အပြုသဘောနဲ့ တုံ့ပြန်ပေးတာကြောင့် သူတစ်ပါးကို လွှမ်းမိုးမှု ရှိသွားပါတယ်။ ဒီအလေ့အထကြောင့် ဂရုစိုက်မှု၊ လေးစားမှုနဲ့ ပြဿနာကို အပြုသဘောနဲ့ ဖြေရှင်းတတ်မှုဆိုတဲ့ ရင်းနှီးခင်မင်တဲ့ သရုပ်သဏ္ဍာန်ကို ရရှိစေပါတယ်။

အလေ့အထ (၆) စုပေါင်း ညှိနှိုင်း ဆောင်ရွက်တတ်ခြင်း
အပြုသဘောဆောင်တဲ့ အသင်းလိုက် ဆောင်ရွက်မှုကြောင့် ပါဝင်သူတွေရဲ့ ခွန်အားနဲ့ အရည်အချင်းတွေ ပေါင်းစည်းသွားပြီး လူတစ်ယောက် လုပ်လို့ရတဲ့ အောင်မြင်မှုထက် ပိုသာတဲ့ အောင်မြင်မှု ပန်းတိုင်ကို ရရှိစေပါတယ်။ အဓိပ္ပာယ်ရှိတဲ့ ပူးပေါင်းကြိုးစားမှု၊ ခေါင်းဆောင်ပီသမှုနဲ့ အားပေးမှုတွေကြောင့် အဖွဲ့လိုက် လုပ်ဆောင်မှုဟာ အကောင်းဆုံး စွမ်းဆောင်မှုကို ရရှိစေပါတယ်။


အလေ့အထ (၇) ထက်မြက်အောင် ကြိုးစားနေခြင်း
ကိုယ်ရဲ့ ကိုယ်ရည်ကိုယ်သွေး၊ စွမ်းအင်နဲ့ ကျန်းမာရေးတွေကို ဟန်ချက်ညီအောင်နဲ့ ကောင်းမွန်နေအောင် ကြိုးစားတာဟာ ကြာရှည် ထူးချွန်ထက်မြက်တဲ့ ဘဝနေထိုင်မှုပုံစံကို ရရှိစေပါတယ်။